ישעיהו ו - מאמרים
- ישעיהו פרק ו - נבואת סיכום לפרקי התוכחה לעוזיהו
- נבואתו הראשונה של ישעיהו
- טומאת השפתיים
- ישעיהו ו בעברית מדוברת
- ישעיהו - סביבת חקר
1. בשנת-מות המלך עזיהו ואראה את-אדני ישב על-כסא רם ונשא ושוליו מלאים את-ההיכל. ע
2. שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו ובשתים יעופף. ע
3. וקרא זה אל-זה ואמר קדוש קדוש קדוש יהוה צבאות מלא כל-הארץ כבודו. ע
4. וינעו אמות הספים מקול הקורא והבית ימלא עשן. ע
5. ואמר אוי-לי כי-נדמיתי כי איש טמא-שפתים אנכי ובתוך עם-טמא שפתים אנכי יושב כי את-המלך יהוה צבאות ראו עיני. ע
6. ויעף אלי אחד מן-השרפים ובידו רצפה במלקחים לקח מעל המזבח. ע
7. ויגע על-פי ויאמר הנה נגע זה על-שפתיך וסר עונך וחטאתך תכפר. ע
8. ואשמע את-קול אדני אמר את-מי אשלח ומי ילך-לנו ואמר הנני שלחני. ע
9. ויאמר לך ואמרת לעם הזה שמעו שמוע ואל-תבינו וראו ראו ואל-תדעו. ע
10. השמן לב-העם הזה ואזניו הכבד ועיניו השע פן-יראה בעיניו ובאזניו ישמע ולבבו יבין ושב ורפא לו. ע
11. ואמר עד-מתי אדני ויאמר עד אשר אם-שאו ערים מאין יושב ובתים מאין אדם והאדמה תשאה שממה. ע
12. ורחק יהוה את-האדם ורבה העזובה בקרב הארץ. ע
13. ועוד בה עשריה ושבה והיתה לבער כאלה וכאלון אשר בשלכת מצבת בם זרע קדש מצבתה. ע
לעמוד זה יש כתובת קצרה: t1006
הטקסט התנ"כי בעמוד זה הועתק מהטרנסליטרציה של סטיב גרוס - Steve Gross - מאתר "שמש".