תהילים קטז - מאמרים
1. אהבתי כי-ישמע יהוה את-קולי תחנוני. ע
2. כי-הטה אזנו לי ובימי אקרא. ע
3. אפפוני חבלי-מות ומצרי שאול מצאוני צרה ויגון אמצא. ע
4. ובשם-יהוה אקרא אנה יהוה מלטה נפשי. ע
5. חנון יהוה וצדיק ואלהינו מרחם. ע
6. שמר פתאים יהוה דלותי ולי יהושיע. ע
7. שובי נפשי למנוחיכי כי-יהוה גמל עליכי. ע
8. כי חלצת נפשי ממות את-עיני מן-דמעה את-רגלי מדחי. ע
9. אתהלך לפני יהוה בארצות החיים. ע
10. האמנתי כי אדבר אני עניתי מאד. ע
11. אני אמרתי בחפזי כל-האדם כזב. ע
12. מה-אשיב ליהוה כל-תגמולוהי עלי. ע
13. כוס-ישועות אשא ובשם יהוה אקרא. ע
14. נדרי ליהוה אשלם נגדה-נא לכל-עמו. ע
15. יקר בעיני יהוה המותה לחסידיו. ע
16. אנה יהוה כי-אני עבדך אני-עבדך בן-אמתך פתחת למוסרי. ע
17. לך-אזבח זבח תודה ובשם יהוה אקרא. ע
18. נדרי ליהוה אשלם נגדה-נא לכל-עמו. ע
19. בחצרות בית יהוה בתוככי ירושלם הללו-יה. ע
לעמוד זה יש כתובת קצרה: t26b6
הטקסט התנ"כי בעמוד זה הועתק מהטרנסליטרציה של סטיב גרוס - Steve Gross - מאתר "שמש".